آقوال بعض المسؤولين و اللاعبين الوداديين لجديد الوداد في برنامج ودادكوم
بهلول : الحمد لله كاين ناس كايفرقو ما بين حبك لفريق معين و العمل ديالك
طلال : غانلعبو ماتش الجمارك بكل جدية ، و الوداد لا يمثل نفسه فقط بل يمثل كرة القدم الوطنية ، خصوصا بعد الإقصاء المر للمنتخب المحلي ... و الوداد هو آخر فريق مغربي لعب آخر نهاية سنة 2011 ، و ان شاء الله سنلعب المباراة بكل عزم و طموح للفوز
بهلول : سوء الوفادة الافريقية ولفاتو الفرق و المنتخبات المغربية ، لذلك خاص الانتصار بنتيجة مريحة هنا بالدار البيضاء ... و صديق صحفي أكد ليا أن ملعب مباراة الإياب سيئ للغاية ملعب اصطناعي و جا وسط غابة ...
طلال : حنا مادايرينش الماتش فكرشنا ، بالعكس غانخوضو المباراة بكل عزم و احترام ... لأن كل فريق كايشارك فهو بطل بلاده ... و الوداد ماعندوش الحق باش يتقصى من الدور الأول
طلال : العدد اللي مسموح به هو تقريبا 23 ألف تذكرة ... و كانتسناو الضوء الأخضر باش يتم تحديد العدد بالضبط باش نطرحو التذاكر ... و غدا ان شاء الله غانطرحو التذاكر
بهلول : محبو الوداد و على رأسهم الوينرز لا يحتاجون الى دعوة لحضور المباراة ... ماشاء الله عليهم يحضرون دائما بقوة ... و كانتمنى اللاعبين يكونو فالمستوى
بهلول : كانتمنى من الثلاثي المشارك و اللي هو الوداد و الفتح و خريبكة يشرف الكرة الوطنية بعد هاد النكبات المتتالية
الرحايلي طبيب الوداد عبر الهاتف : فالمنافسات الافريقية الريتم كايطلع ، و غاتكون الخدمة مكثفة ... الحمد لله جميييع اللاعبين فحالة صحية جيدة و مستاعدين لمباراة الأحد ان شاء الله
الرحايلي : رابح لعب مباريات ودية و رجع للمستوى ديالو و الحمد لله فصحة جيدة ... فال تا هو فصحة جيدة ... و حسني كان عندو مشكل فالكتف و لكن الحمد لله تعالج بعد توقف البطولة و هو في صحة جيدة
بهلول : الوداد تم حرمانها من اللاعبين ديالها العديد من المرات فالدور الأول من البطولة ... و توشاك استغرب من هاد القضية مرات عديدة ... و كانتمى مايكونش النداء على لاعبين الوداد بسوء نية
طلال : صعيب على كل لاعب من لاعبي الوداد يكتاسب الرسمية ديالو ... خاصو يبين على أرضية الملعب ... هناك صرامة فالتداريب ... صعيب تحمل قميص الوداد ... الاستراتيجية ديالنا ماشي البطولة 18 ولا البطولة 20 ، بل إعادة الوداد للتوهج ديالو ... و تركيبة الوداد نظن أنها مكتملة الصفوف الحمد لله ، فكل مركز كاين 2 لاعبين ... نعد الوداديين و كل المغاربة أننا سندافع عن سمعة كرة القدم الوطنية ... و نحاولو نمشيو فالعصبة لأبعد حد ممكن ان شاء الله
طلال : حضور شيكاتارا يوم الأحد غير رسمي ... تا حاجة ما رسمية لحدود اللحظة ...
بهلول : الوداد تمثل المغرب افريقيا مثل خريبكة و الفتح ... كانتاظرو تشجيعات الجمهور يوم الأحد ... هادشي اللي بغا يقصد طلال
طلال : لا يهم حضور شيكاتارا يوم الأحد ولا لا ... المهم هو أنه غايحمل قميص الوداد الموسم المقبل ان شاء الله
طلال : قرناص ودادي و عاشق للوداد ، و هو عصفور يعود لعشه ... و كانتمناو ليه حظ موفق رفقة الفريق
المهدي قرناص عبر الهاتف : الأجواء بالوداد مزيانة ، كاين لاعبين جاورتهم سابقا يعني مالقيتش صعوبة باش ننساجم مع الفريق الحمد لله
المهدي قرناص عبر الهاتف : الأجواء بالوداد مزيانة ، كاين لاعبين جاورتهم سابقا يعني مالقيتش صعوبة باش ننساجم مع الفريق الحمد لله
قرناص : فبحال مباراة الأحد ، كاتشتاغل القوة ديالك ، و هادي أول مباراة ضد هاد الفريق و نهار الأحد عاد غانعرفوه ان شاء الله
قرناص : الحمد لله بمساعدة اللاعبين قدرت دغيا ننساجم مع الفريق
قرناص : كانبغي نشكر كاع الوداديين اللي ساندوني لا فداخل أرض الوطن ولا خارجه ، و حتا اللي كانتواصل معاهم فالفايسبوك ... لقيت دعم كبير ... و ان شاء الله الانتصار نهار الأحد
عبد اللطيف نوصير عبر الهاتف : فمباريات العصبة كاتلعب مع فرق عندها الوزن ديالها
بهلول : نوصير وصل المنتخب للشان و مامشاش للشان ... مشا فبلاصتو واحد طول منو شوية و مالعبش
نوصير : هادي للمرة التانية كانوصل مع المنتخب للشان و فاللخر ماكايتناداش عليا باش نمشي نلعب الشان ... و ان شاء الله الثاتة تكون ثابتة
ليجيبه بهلول : الثالتة تكون مع الوداد فالعصبة ان شاء الله
نوصير : خاصنا نربحو بأريحية باش نمشيو تما و عارفين الظروف كي غاتكون ...
نوصير : كنت لعبت السوبر كوب مع الفتح ضد مازمبي عند مازمبي ... و نهار قبل الماتش جا شي 5 الاف ولا 6 الاف واحد حدا لوطيل و بقاو كايشجعو شي 6 ساعات
نوصير : توحشنا جمهور الوداد ... و عارف الجمهور غايكون مأزم بسباب هاد الوضعية د التيران ... و عارف كون كان التيران محلول كون عمر كامل و اللي غايكون برا كتر من الداخل ... و ان شاء الله نمشيو فالعصبة لأبعد مدى ان شاء الله
بهلول : كانتمنى التوفيق لكل لاعبي الوداد فهاد الماتش و نتمنى يكونو فنهارهم ... و نهار الأحد نهار المغاربة كاملين ... و نتمنى للمهدي قرناص تكون عتبة الوداد فأل خير عليه ... و مرحبا بيه فوداد القلب
بهلول : نتمنى انتصار الوداد حصة و أداء ان شاء الله
طلال : تأخير طرح التذاكر يعود لتأخر السلطات الأمنية فإعلان العدد المحدد ... و السوق السوداء موجود فأي مكان ... و كانتحدى أي واحد أنه تكون كاتخرج كتر من 3 أو 4 تذاكر للشخص الواحد
طلال : علاش لا نوليو نبيعو التذاكر فالانترنيت ... و صحاب بطائق الاشتراك عندهم مكان ديالهم محدد ... طريقة البيع د التذاكر هي اللي كاينة دابا و نتمناو نطوروها ان شاء الله
طلال : الوداد واجه فرق افريقية فأسوء الحالات ... واحد المرة يالاه نازلين من المطار و غاديين نتدربو فواحد الدولة افريقية و فاش كنا غاديين فالحافلة كانت تابعانا سيارة رباعية الدفع كانت تحاول قلب الحافلة !!
طلال : ماخاصناش نلقاو الأعذار ، بحالنا بحال جميع فرق شمال افريقيا ، نمشيو نلعبو و نديرو اللي علينا
بهلول : واخا كاينة سياسة المعاملة بالمثل ، لكن خاص نتاظرو أي حاجة ، كلشي ممكن فالدول الافريقية
بهلول : كانتمنى توقف البطولة مايكونش سلبي بالنسبة للوداد ...
طلال : السيد الرئيس الناصري صرح فمجموعة من المنابر الإعلامية أن الوداد يتعرض لحملات إعلامية و إشاعات بنية مبيتة ... الموقع الرسمي هو الآن في حالة استراحة محارب ... و المكتب يفكر في الاستراتيجية التي سيتم التعامل بها مع الموقع الرسمي ليكون مناسبا لجمهور وداد الأمة و يواجه كل تلك الحملات ... و كانعتاذرو للجمهور على التقصير في الجانب الإعلامي !